15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Pyndam noh ki wakreh ka EMRI ya ka yakhih

0 Comments

Shillong: Ki wakreh ka EMRI GVK 108 hapoh ka lama ka EMRI Meghalaya Workers Union da rai ki wow pyndam noh ki ya ka yakhih hadien wa ka sorkar da kular ko wow bichaar ya ki jingdawa yong ki hapoh ar bnai.

Ya ini da pyntip da u President ka seiñ u Roipar Kharraswai hadien wa kut ka yalang wa da khut u montri ka chnat ka chait ka khiah u AL Hek.

Da pyntip u leh wa ka sorkar da chna ko da ka Special Committee wa khlieh da u Secretary ka chnat ka chait ka khiah u Pravin Bakshi.

Katkam wa pynitp u Roipar, kani ka Committee daw bichaar bniah ko yei dawa yong ka seiñ wa kynthup wow chimkti noh ka sorkar ya ka EMRI.

Ka sorkar da kular ko leh wow pynsangeh noh ya i kyrriah kaam wei i beh kaam wa chipor wa leh da ka Company wa pynlai ya ka EMRI.

U President ka seiñ da pyntip u leh wa em 43 tylli ki kari kitbru wa kjut kiwa tip kam ki 108 Ambulance kiwa chakri ya ka jylla wei da em leh kiwa da emkaam wow kylliang thymme neidaw wa pynthut ki yei chakri ya ki paidbah lada pynemkaam bait ki.

Kam wow pynkynmoo heini wa i khut yaklam ka sorkar man ko hadien wa kani ka seiñ ki wakreh ka EMRI da pynman ki ya ka yakhih kawa khlem booh por kawa da sdang ha ka tayaw wa da dep.

Ha iwi tawon i liang, u Hek da ong u wa ka sorkar da paan kari Ambulance chooh chooh ko yow yoh sa 30 tylli ki kari thymme.

Also Read: Kyntu ka sorkar ya ki wakreh ka EMRI wow sangeh yei yakhih

Previous
Next

0 Comments

Leave a Reply