Kiwa yalehke ka Meghalaya ym em yoh ki wow yalehke ya waroh ar ki yalehke ha ka U-19 Women’s One Day Trophy wa haka Boys’ Vinoo Mankad Trophy neidaw wa hiar u slap kamjooh wym hoi ka madan wow yalehke.
Kani toh ka yalehke wa ar ya ki kynthai wa da chah ktah ha u slap heiwa da hap wow ieh biang khlem yaleh ha Bhubaneshwar. Da toh u yachem ki wa ka Nagaland ynne ka sngi tangwa da hap ki wow yabhah mar chi Point.
Ki chynrang won da toh u yachem ki wa ka Mizoram ha Ranchi tangwa kani leh ym yoh wow yaleh neidaw ka suiñ bneiñ.
Waroh arliang ka Meghalaya da toh biang u yalehke ki mynstep heiwa ki kynthai daw yachem ki wa ka Sikkim katwa ki chynrang u yachem ki wa ka Manipur.
