U President ka USA, u Donald Trump da pyndam u yei phah lai cha Islamabad, Pakistan ya ki ar ngut neibynta wow karbar ri yow yachem wa kiwa na Iran yow yaklam yasuk.
U Trump da ong u wa da pyndam u yei phah lai ya u Steve Witkoff wa u Jared Kusher neidaw wa yoo kulmar i rukom man kiwa yahkhmat ka Iran wei da pynsepai donhi du wow lai luti wei da pynboonkaam donhi.
Da ong u leh ym yoo tipsap de kiyi wa yahkhmat ya ka Iran wei lada kwah ki wow yaklam toh u Phone donhi ki.
U Foreign Minister ka Iran, u Abbas Araqchi da mih chwa u na Islamabad hadien wym poi cheiwon cheiwon i yaklam wa u Prime Minister ka Pakistan, u Shahbaz Sharif deilang kiwi de ki heh. Wei ka Iran leh da kyntait ko ya ki kyndon wa ka sñiaw ko wa thombor ka US ya ka wow bood ko.
Ini da man ko kattu wa da sakhkut i yaklam yasuk wei ka Strait of Hormuz leh dang man ko kawa khang kawa la luti ki jhaad wa kit ya iwa boon i phniang wa ki LPG wa emkaam kiwa boon ki ri ka pyrthai.
Discussion about this post