theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pyndam ya ka NOC wow kær naar-chieh ya u pood Bangladesh: Holando Lamin

Advertisement ad1

Ynne ka sngi kawa man ka sngi wa pynman ya ka Dorbar Tlang yong ka JHADC, u MDC ka War Central, u Holando Lamin da kylli u lada em ka NOC wow thied thaw neibynta wow kær naar-chieh ya u pood ka India wa ka Bangladesh heiwa neiliang u CEM ka Council, u Thombor Shiwat da jubab u wa da em ka NOC wa da e neibynta ini i kaam.

Hajrong ini u Holando da kylli u kammon wei ynnu da e ya ka, yeiwa u Thombor da jubab u deiwa ong wa ka EC da chong pyrkhat bha ko yeini katkam i chem ka na ka sorjamin (Joint Inspection) wa da leh hajrong ini i kaam wa ka CCIB.

Neiliang u Holando da pynrap u deiwa ong wa deiwa kær naar-chieh ya u pood katkam wa thmu ka sorkar daw dooh ki paidbah ya i thaw wa 6,000 hadooh 8,000 Acre cha ka Bangladesh wei ini daw ktah bha i ya i rep i riang kamjooh ya ka mynried yong ka pateiñ wa daw wan.

U Thombor da ban u deiwa ong wa yeini waroh da leh katkam ki chithi wa da yoh na ka sorkar wow e noh ya ka NOC khnang wa i kaam wow kær naar-chieh u man iwa lai bait chaphrang.

Hajrong ini neiliang u Holando da kyrpaad u ya ka Council wow pyndam chwa ya ka NOC wei wow pynbait chwa ya ini i kaam wa ki bru kiwa daw chah ktah, wei yeini i kyrpaad neiliang u Thombor da kular u wow yaklam yillu hajrong kani ka phang wa u DC ka West Jaiñtia Hills.

Share this:
Previous

E NOC ka JHADC ya 5 tylli ki karkhana Coke hadooh u Naichiphaw

Next

Ill-fated Governance