U MLA ka UDP na West Shillong, u Paul Lyngdoh ynne da ong u wa i khrong poisa ki pulit na Mawkhanu wa Thangshalai, kamwa pynbna ka KSU da pynduna i yei chaniah ya ki pulit.
Da ong u wa duna i tip bñiah u hajrong ini lait neiwa yoo u ha ki khubor wei emkaam u leh yeiwa emkaam hajrong ini neibhah daw ktah i yei chaniah ya ki pulit.
Hajrong i dawa wow pynman ya ka takit, u Paul da ong u wa emkaam u em da ka Suo Motu namo ka takit wa pna leh hi wei toh u mih katkam i kaam.
Da ong u wym emkaam wow yada ya kiwa tyngkheiñ aiñ khnang wow em i khooid ha ka sorkar.
Heiyatoh wa i dawa ka KSU wow kyrriah ya u Deputy Commissioner wa u Superintendent of Police, u Paul da ong u wa ieh yn dep chwa ka takit wei manda yoh ya ka bui (Report) toh u pynchitom ya kiwa emkti.
Discussion about this post