Ka Pt. Deen Dayal Upadhyay Community College (DDUCC) for Skill Development Centre Wahiajer kawa man leh ka chnat ka NEHU, ha ka 13 tarik uni u bnai da pynkut ko yei e sikai kreh mistri wa 7 sngi kawa tip kam ka “Skill Up-Gradation Training Program on Carpentry” kawa sdang nadooh ka 6 tarik uni hi u bnai.
Kiwa pyndep yei chah sikai da em ki kamwa 30 ngut na ki chnong waphær waphær ka Ri-loom Jaiñtia kiwa da yoh yei sikai kammon u tah u pynwan dur ya ki dieñ hei dur waphær waphær yow chna chuki, palong wa kiwi de.
Ha kani ka sngi pynkut da wan emlang u Porf. H. Lamin, Retd. Founder Principal I/c DDUCC uwa da man kam u kongsan, u F.R. Sumer, Librarian NEHU kam u symbood kongsan, u Reveal Singh Phawa, u Thrangki Stong wa kiwi.
Kini ki waheh wasian hawa e yei klam da ban joor ki hajrong i emkaam u tip yei yurim i jait kreh wow chna ya ki tiar wa boonjait da ki dieñ.
Da kyntu haroh ki ya kiwa da pyndep ya kani ka chah sikai wow pynemkaam hok ki yei stat wa da yoh ki wei u pynemkaam leh ya ki kor ki bor neibynta i bha i miat yong ki hi, deiwa pynrap leh wa kani man haroh ko kam ka laad kamai ya ki.
Chooh chooh da pynchlur ki wow man leh kiwa kreh chitom ha ki kaam yong ki khlem da kheiñ yei eh i khoo hei lai luti najrong wow man kiwa yaichah wei kheiñkor yei por.
Heijooh i por ong ki kani ka e sikai man ko kam chibynta i pyrchang yong ka DDUCC wow kyntu yei stat i tip kam chibynta yong ka NEP 2020.
Da pynkut ya ka yalang deiwa saam ya ki Certificate cha kiwa pyndep yei chah sikai wei yei kyntien e khublei da yoh na u Wolnish Rymbai, Program Co-ordinator ka DDUCC.
Discussion about this post