Pyndep ka Raij Ialong ya ka lehkmen Nohsakyriat

Jowai: Ka Seiñ Raij Ialong ynne ka sngi da pyndep ko ya ka lehniam Nohsakyriat kawa man kam chibynta ka lehkmen chwa wow hiar cha ki hali ki pynthor wow sdang ya ka rep ka riang.

Ya ka Nohsakyriat ha uni u snem da wan wai da u Dolloi ka Nangbah Elaka u M. Garod uwa ong wa emkaam u ri syndong ya ka niam wa ka dustur riti yow pynneh pynsah ya kiwa da sikai u warim.

Da ong u leh wa emkaam u pynneh pynsah ya ka tem ka put kiwa da emlang ha kiwa boon ki lehniam wei ym toh u kdong ya yong kiwi wei da kyntu u leh yow man kiwa ya tylli.

Ka Nohsakyriat hanlada man ko kam ka lehkmen, man ko leh kam ka e ngooh ya ki blai ki syeim wow kyrkhu kyrdoh ya ki khon ka Raij yow bha u miat u kba wa ki soh ki pe.

Ha ka Nohsakyriat ki kynthai da ki riam tynre da pynskit ya ki wah wah neiñ neiñ heipor wa dem ki ha sakyriat wa da tah na u dieñ kseh.

Da booh leh ya ka sakyriat wa khian neibynta ki khynnah kynthai.

Ka kani ka lehkmen u pteiñ ya ka mynstep da ka Chaad Sukra ka wow sdang nadooh chi waje i sngi.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025