Pyndep ka Raij Jowai ya ka Kbai Mooknor hachwa ka Kñia Khang

Jowai: Hachwa wow sdang ka Behdieñkhlam ki khon ka Raij Jowai emkaam wow pyndep chwa ya kiwa boon ki niam kamjooh ki kñia.

Kamtæ ynne ka 21 tarik ki khon ka Raij hapoh i yahkhmat u Dolloi, ki Wasan da pyndep ki ya ka Kbai Mooknor hadien wa yachem ki ha Yung Langdoh.

Ya kani ka Kbai Mooknor da leh kam chibynta wow pyndep ya ka Kñia Khang ya ki Soodwar Sooluti kiwa kynthup ya u Mooralong, Moosniang, Mookhia wa u Mootong chirup ya ka Syiem Myntdu kawa man ka Tawiar Takan.

Hadien kani ka Kbaimooknor da sdang ya i khrong kiwa wan chong dai chong thied ha Iawmusiang wei hadien wa khrong ya ka Muhor Kynthiar da liwan cha Yung Langdoh.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Ha Yung Langdoh u Dolloi da pynkham u ya ka muhor ka kynthiar ha kti ka Langdoh ha dien wa dep pynkham ya ka da sdang ka ngooh ka dem neibynta ka Kñia Khang.

Ya kani ka Kñia daw yndep ha ka 22 tarik nadooh i por 5:00 waje i step.