Pyndep ka Raij Khonshnong ya ka Lehniam Pastieh

Ka Raij Khonshnong kawa em hapoh ka Elaka Raliang, kamwa jooh leh man-u-snem da pyndep ko ya ka Lehniam Pastieh chwa wow hiar rep cha hali pynthor.

Ya kani ka lehniam da pyndep ha ka 22 tarik ha Yung Langdoh wei ha ka 23 tarik won da pynman ya ka Cultural Program heiwa da pynphooh ya ka da ki chaad wa da pynkhreh da ki khon ka Raij kamjooh na kiwi tawon ki Seiñraij.

Ha kani ka sngi da em ka yalang wa pynlai da u President ka Seiñ Khynroo Raij Khonshnong, u Return Passah, heiwa u SDO ka PHE, u Albert Dkhar da man u kam u kongsan katwa u Waheh Chnong, u Sumarhok Passah kam u symbood kongsan hei emlang u Dolloi ka Elaka Raliang, u Chawas Lyngdoh, u MDC ka Saphai Sahsniang, u Rikut Parien wa kiwi.

Ya ka lama wei Ngooh Blai da yoh na u Hamecheki Papeng, Langdoh ka Raij Khonchnong, i klam pdiang na ka Phrangsngi Suchiang, wa i khana ka parom niam yong ka Raij na u Teiboklangki Papeng kam u Hardamuid ka Raij.

U Rikut Parieñ hawa e i klam da ong u wa kamwa da pyndep ya ka Niam Chaad Pastieh chwa wow hiar rep cha hali pynthor e wow kyrkhu u Blai ya waroh ki khon ka Raij dei yooluti wa kani ka Pastieh u nang ku ko katwa dang lai ki snem dei krehlang wa ki Langdoh wa ki Wasan.

U Sumarhok kam u symbood kongsan da ong u wa hawa em kam kani ka Pastieh em i lut i sep kamtæ emkaam u em i bahkhlieh kamjooh i kyrchaan na kiwi ki lok khnang wow man ko kawa jop neibynta ki khon ki kti wa ka mynried.

Neiliang u kongsan, u Albert Dkhar da ong u wa chwa u hiar rep emkaam u ngooh u dem heiwa da yooluti u wa ha uni u snem 2026 wa u symbe u phñiang u rep u man uwa mih soh.

Related posts

Daw pynman ya ka General Meeting ka Kur Kanai

March 18, 2026

Ka Kbai Mooknor ka dak wa sdang ka lehñiam Behdieñkhlam, da khang u rah chyieñ na baar ka Raij Jowai

March 10, 2026

Da kyntu u wa lyngba kani ka Pastieh u man ki bru wa yatylli deiwa e khublei Pastieh wasuk wakmen ya waroh ki khon ka Raij.

Kiwi kiwa da klam ha kani ka sngi kynthup ki ya ka Mina Laloo wa u Kamnipaia Challam.