Ka lympung yalehbol ka Sieñ Kur Dkhar East Jaiñtia Hills District Sports Cultural Committee kawa tip kam ka 1st 3 Days Football Tournament da poi ko cha ki yakhun Quarter Final ynne ka sngi kawa pynman ha madan Mokhep.
Kiwa yoh u psiah cha ka Semi Final toh ka Wapung, Jalaphet, Iapmala Circle wa ka Khliehmyntriang.
Ha ki yalehke Quarter Final ynne ka sngi, ka Wapung da jop ko ya ka Jalyiah da 2-1.
Ka Jalaphet da jop ko ya ka Moolamanoh da 9-8 deiwa yachut Tie-breaker.
Ka Iapmala Cricle da jop ko ya ka Rymbai da 11-10 da ka yachut Tie-breaker.
Ka Khliehmyntriang da jop ko ya ka Lumshnong 1-0.
Ka Semi Final deilang wa ka Final u man ko ha kani ka 27 tarik deiwa sdang chwa da ka yakhun Semi Final hapyrdi ka Wapung waka Khliehmyntriang heipor 10:00 waje i step.
Ka Iapmala Cricle daw yachem ko waka Jalaphet heipor 11:30 i step.
Ka Final daw pynman heipor 2:00 waje i sngi.
Kamtæ ka sieñ kur Dkhar East Jaiñia Hills District Sports Cultural Committee da kyrpaad ko ya ki para kur wow ya wan sakhi ya kani ka yalehbol wa pynman da ka kur.
