Pyndep ka Seiñ Raij Kongwasan Chyrmang ya ka Behdieñkhlam wa nyngkong uni u snem

Jowai: Ka Behdieñkhlam ka Seiñ Raij Kongwasan Chyrmang Kmai kawa man leh ka Behdieñkhlam wa nyngkong ka ri-loom Jaiñtia man u snem, da pyndep ya ka ynne ka sngi ha Aitnar Chyrmang heiwa da wan sakhi ya ka da u montri ka puræ puthi u Lahkmen Rymbui, ki MDC ka JHADC kam u Saron Paswet, Lakhon Dkhar, u Phasmon Dkhar deilang wa u Dolloi ka Elaka Jowai u Puramon Kynjing wa kiwi kiwi kiwa da chah khut sñiawbha.

Da sdang yakani ka lehniam ha kini ki sngi wada dep dei chaad yung heiwa ki waheh wasan dalai ki cha ki yung ki sem hapoh i chnong i thaw wei da e ngooh e dem ki yei bha i miat ka yung ka sem.

Heijooh i por ki khon ka Chyrmang Wah wa ki khon ka Chyrmang Neiñ da mih ki yow thooh Dieñkhlam ki na ki khloo dep won tæ rah ki ya kini ki dieñkhlam chapoh chnong. Dep ki u rah ya kini ki Dieñkhlam da bood won sa ka li chaad yung hei janmiet.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Ha ka sngi khaddooh ynne ka sngi, da pynman yaka pynyoo rong næ ka rah ya ki rot cha Aitnar. Ya kini ki rot waroh da rah ha Aitnar yow yoo ki paidbah næ kiwa wan yoo ke, heiwa da chaad ki khon khynnah khynroo chynrang wa kynthai wei waroh ki rot ha uni u snem da em ki 8 tylli.

Kiwa klam ynne ka sngi nadooh u MLA hadooh ki MDC da yaroh ki ya ka Seiñ Raij Kongwasan Chyrmang Kmai kiwa da ye u pynneh pynsah ya ka dustur ka riti kawa pynyoo leh yei man yatylli kiwa chong chnong.