• About Us
  • Contact Us
  • Privacy Policy
  • Advertise With Us
  • Terms & Conditions
Tuesday, September 2, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Home Culture

Pyndep ka Seiñ Raij Mukhla ya ka leh niam kñia ya ka Syiem Khlam wa u Blai Ram Shyllong

Wyrta Staff by Wyrta Staff
April 1, 2022
Reading Time: 4 mins read
A A
0
Share on FacebookShare on Twitter
ADVERTISEMENT

Ka Seiñ Raij Mukhla ynne ka sngi Muchai 1 tarik Naitung da pyndep ko yei kñia e ngooh ya ka Blai Syiem Khlam wa u Blai Ram Shyllong kiwa man ki Blai wa kær wa da wa ri wa sumaar ya ki khon ki raiot ka Seiñ Raij Mukhla.

Ya kani ka leh niam kawa da jooh leh man-u-snem ha u Naitung (Apr) hachwa wa ki khon ki raiot ka Seiñ Raij Mukhla u hiar rep ki ya ki symbe jhoor, symbe toh, ki saru ki salah wa kiwi tawon ki jait jhoor wa boon jait hapoh ka Seiñ Raij Mukhla heiwa kat wym pu ye u pyndep ya kani ka kñia ya ka Syiem Khlam wa u Ram Shyllong, ki khon ka Seiñ Raij Mukhla ym hoi u thung jhoor thung saru thung salah ki.

Kani ka leh niam toh ka leh niam kawa nyngkong dooh yong uni u snem wei em leh kiwi tawon ki rukom leh niam wa dang boon kiwa daw pyndep ya ki hapoh uni u snem katkam ki por wa ki samoi. Ha kani ka leh niam kñia, ki khon khynroo ka Seiñ Raij Mukhla da ya pynkhreh ki u tah ya u Kymphu da u chken hei dur yong u syntu iwa mut wow beh wow sympat ya ka kjut ka chitom cha jngai na ka Seiñ Raij Mukhla.

Ya kani ka kñia da sdang ya ka nadooh i por step 7:00 waje ha Yung Blai Yung ka Bei Langdoh. Hadien wa wada pyndep ya ki kaam hapoh yung ka Bei Langdoh, u Pa Langdoh chirup wa u Maji, u Chutia deilang wa ki Waheh Sankur da mih lai kñia ki cha duwan kñia ha Khloo Blai kawa da pyndep da u Maji Niam ka Seiñ Raij Mukhla uwa na ka Kur Sari deiwa pynemkaam da uwi u Syiar Ryngkooh wa ka Sñiang.

Kamtæ ha uni u snem miat ka kñia ka khriam, tæ da yooluti wa ki khon ki raiot ka Seiñ Raij Mukhla u yoh ki dei chait dei khiah yow man i khih i khan yong ki lada hei puræ puthi yong ki leh.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

I yumut yong kani ka leh niam kñia ya ka Syiem Khlam wa u Blai Ram Shyllong toh wow e ngooh yow beh ya ka khlam ka ngoh, ka kjut ka chitom cha wa soo wa sep ka sngi u bnai khnang yow yoh ki khon ka Seiñ Raij Mukhla dei chait dei khiah.

Ini toh katkam wa da pynlait khubor u Waheh Sari u Standbyme Sari.

ShareTweetSendShare
Previous Post

Soo tylli ki District wym em de kiwa chah ktah ha u COVID-19 ha Meghalaya

Next Post

Lai yachem ka JYF ya u DC wa da booh i jhep hei maa ya kiwa sah ha Jowai

Related Posts

Culture

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025
Culture

Pynskem Unit ka Seiñ Kur Suting ha chnong Moosakhia

August 31, 2025
Culture

Pyndep ka Raij Mukhla yei lai thooh ya ki Dieñkhlem ha ka sngi wa ar ka Behdieñkhlam

August 29, 2025
Culture

Sdang ka sngi wa nyngkong ka Lehniam Behdieñkhlam ka Seiñ Raij Mukhla da ka Dorbar Niam

August 28, 2025
Next Post

Lai yachem ka JYF ya u DC wa da booh i jhep hei maa ya kiwa sah ha Jowai

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar