15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pyndep ka Seiñraij Wahiajer ya ka Chaad Sukra 2021

Ka Chaad Sukra ka Seiñraij Wahiajer da poi ko cha wakut ynnin ka 20 tarik kawa da sdang nadooh ka 19 tarik kawa da sdang pynman ha Iaw Pynsiñ chwa wow mih yaw kawa da jooh leh ha chwa wow sdang hiar rep hiar khih ki bru kamwa da pynjooh ki waheh nachwa.

Ya ka yalang ka sngi nyngkong ha Iaw Pynsiñ da pynlai ya ka da u Chot Pale uwa man leh kam u President yong ka Sieñraij Wahiajer wei da yoh leh ya i ngooh i dem na u Pyntngenmiki Mulieh uwa man leh u President ka Khynroo Khyllood Niamtre Wahiajer.

Da yoh leh i klam na u Chanki Nongrum uwa man leh u General Secretary yong ka Sieñkyntu Sieñraij 12 Dolloi, da yoh leh i klam na ka Niawkorlang Phawa kawa man leh kam ka Treasurer yong ka Khynroo Khyllood Niamtre Wahiajer.

Hawa poi cha i pynyoo ya ka dustur riti, da em kamwa 17 tylli ki kynhun kiwa da ya chimbynta ha ki chaad heiwa da yoh leh yei e khublei na u Wailadmi Mulieh uwa man leh u Assistant Secretary ka Seiñraij.

Ha ka sngi pynkut kawa pynman yei Chaad Sukra ha madan bol ka Sieñraij Wahiajer, da wan wow emlang chirup wa u Sniawbhalang Dhar uwa man leh u Montri ka chnat Transport ka sorkar Meghalaya deilang wa u Dasakhiat Lamare u MLA ka Mawhati wa u MLA warim u Ngaitlang Dhar.

Da yoh leh yei klam na u President ka Sieñraij Ialong u Pyrkhat Shylla wei da poi noh cha ki chaad tynre wa da e da 19 tylli ki kynhun kawa da pynlai won da u President ka Khynroo Khyllood Niamtre Wahiajer u Pyntngenmiki Mulieh.

Share this:
Previous

700 Ton chi sngi ka Oxygen u pynmih ka Reliance wow yakhun ya u COVID-19

Next

Ka jylla man ko kawa duna bha kiwa chim ya i dawai yada COVID: Conrad