Ka Salonsar Learning Centre kawa em ha Ladrymbai kawa man kam ka thaw e sikai Computer kawa e sikai leh ya kiwa em i duna hei bor i doh i pran, ynnin ka sngi da saam Certificate ko cha ki 10 ngut kiwa pyndep yei chah sikai wa ar bnai.
Neiliang u Director ka Salonsar Learning Centre, da ong u i e sikai toh kawa dei pynkhlan bha da ka Practical wei man ko leh kawa nyngkong ha Ladrymbai wa hapoh East Jaiñtia Hills kawa e sikai ya kiwa em i duna hei bor i doh i pran.
Ha kani ka sngi, u General Secretary ka Ephphatha Society da ong u wa ka Certificate man ko du kam ka sabut wa da tip yei kaam wei da pynchlur u leh ya kiwa chah sikai wow kreh chitom ki hei puræ puthi yong ki.
U Salanbor Kamar, District Coordinator for Inclusive Education, East Jaiñtia Hills uwa man leh kam u kongsan ha kani ka sngi da ong u wa yow tip Computer man ko kawa emkaam sakhiat ha kani ka juk kawa katni, kamtæ da pynchlur u wow pynlait por yow tip chaphang ki Computer.
Discussion about this post