Ka 28th Convocation yong ka Meghalaya Forest Training School (MFTS) da pynman yaka ynne ka sngi ha Williamnagar, East Garo Hills heiwa 11 ngut ki Forest Guard Trainee da chah pynkup burom ki deiwa pyndep ki yaka e sikai wa tip kam ka Basic Training Course.
U Principal Chief Conservator of Forest (PCCF) ka Meghalaya, u H C Chaudhary, IFS hawa e yei klam da yaroh u ya kini kiwa da pyndep yei chah sikai dei kreh chitom yong ki wei da kyrmen u wa ini daw yarap ko ya ki wow leh yei kaam deiwa bha wa miat.
Da ong u leh wa ka chnat Forest toh kawa da pynkupbor wow pynkrehkaam ya ki kyndon aiñ kamjooh kawa tip leh kam ka Scientific Department, kamtæ kiwa kreh emkaam ki wow em ki yei stat katkam ka juk wa katni wei wow lai pynpliah ya idæ neipor cheipor.
Kani ka Meghalaya Forest Training School toh kawa da sdang ha u snem 1994 ha Darugiri, East Garo Hills District, wei man ko kam ka chlem e sikai ka chnat Forest & Environment ka sorkar Meghalaya heiwa ki Forester waki Forest Guard pyndep ki yei e sikai wa 11 bnai hajrong ka Silviculture, Forest Botany, ki aiñ kam ka Forest Act deilang yow tip u leh yaka Forest Survey wa kiwi kiwi de.
Kani ka thaw e sikai da krehkaam ko na i thaw wa em ha Baiza iwa em hajan ka chnong Williamnagar nadooh ka 26-11-16.
Ha uni u snem, u Shambrwell Lakhiat da yoh nyngkong u deiwa yoh 88%, u Jacques Wahlang da yoh wa ar u deiwa yoh 80% katwa u Cedrick Syiem da yoh wa le u deiwa yoh 78%.
Kam chibynta kani ka pynkup burom, da em leh i pynyoo rong yaka dustur riti wei da leh March Past da kini kiwa pyndep yei chah sikai.
Discussion about this post