Ka Northeast Institute of Professional Studies (NeIPS) Khliehriat Centre, da saam ko ya ki Certificate neibynta ki 300 ngut kiwa da pyndep yei chah sikai ha ki jait kaam wa boon kam ka Fashion Designing, Assistant Beautician, Lead Sofa Making, Food and Beverage Associate wa Mason Tiling.
Ya ka yalang da pynlai da ka Rishanlang Tyngkan wei yei pdiang sñiawbha ya kiwa wan cha ka yalang da yoh na u Raj Passah uwa man kam u Centre In-Charge yong ka Jowai Centre.
Da wan wow sakhi yeini da u Skill Development Officer ka MSSDS East Jaiñtia Hills, u Boimi Dkhar wei da yoh leh yei klam na ka Eleanor Mikkimchi S Sangma kawa man ka Additional Commisioner yong ka East Jaintia Hills District, kamjooh na ka Violet Lyngdoh, MDC Khliehriat kawa man leh kam ka kongsan ha kani ka sngi.
Ya ki kyntien e khublei da yoh na ka Mynriedki Passah.
Discussion about this post