Pyndep ki 38 ngut ki chynrang wa kynthai ya ka chah sikai man Security Guard

Hadooh 38 ngut wa kynthup ya ka ki 24 ngut ki chynrang wa 14 ngut ki kynthai da pyndep ki yei chah sikai wa 45 sngi yong ka 14th Batch iwa da leh da ka Muksor Private Security & Services (MPSS) kawa em ha Thadmuthlong-C (Phramer) ka West Jaiñtia Hills District yow man kam ki Security Guard.

Ya ka lehburom ya kiwa da pyndep ya ka Training da pynman da ka Pass Out Parade ha ka 6 tarik uni u bnai ha kani hi ka thaw wa e sikai.                                                                                                               

Neiliang u P. Muksor uwa man leh u Managing Director kani ka thaw e sikai, da khana u wa kani ka Training man ko du kam iwa sdang yei kaam i jaam yong ki ha ka liang man kam ki Security Guard, deiwa kyntu ya ki wow pynmyllien ya iwa da yoh sikai wei wow kreh deiwa emakor emburom.

Related posts

Du hapoh 8 kynta na Guwahati cha Delhi deiwa mynjur ka sorkar ya ka luti rel ka Bullet Train

November 1, 2026

Phooh phieñ i pynkut lehkmen dap 100 snem ka St. Mary Mazzarello Girls HS School Jowai

November 1, 2026

Neiliang u kongsan, u Banteidor Lyngdoh, MLA hawa e yei klam da e u yei yaroh ya u P Muksor uwa da em ka mynisen wow yahluti ya ki khon khynroo ha ka laad yoh kaam ha kani ka pyrthai duna kreh katni, da kyntu u leh ya kiwa pyndep ya ka chah sikai wow man kiwa emburom, kiwa emakor wei kiwa yaichah.

Kiwa boon na kiwa klam ha kani ka yalang da e mynsien chooh chooh ki ya u P Muksor wow nang lai u chaphrang ha kani ka kaam deiwa e sikai deiwa rap bha chooh chooh cha ki khynroo wa kwah wow chah sikai ha kani ka Training Center.