Pyndep ki 65 ngut ya ka chah hikai wow man Security Guard

Ki 65 ngut ki khynnah khynroo khyllood na kylleiñ ka jylla da pyndep ki yei chah hikai wow man kam ki Security Guard deiwa chimbynta ha ka Passing Out Parade ha Tornado Training Centre kawa em ha Iooksi Umdaiñlin, West Jaiñtia Hills ha ka 9 tarik uni u bnai.

Ya kani ka yalang da pynlai da u Pyndaplang Muksor uwa man leh kam u Camp Commander & Training In-charge uwa man leh kam u tre yong kani ka thaw.

Ya kani ka sngi da wan sakhi da u P. Najiar uwa man u OC ka Raliang Police Station kam u kongsan ryngkat i emlang u Rev. W. Tang uwa yahkhmat ya ki 65 ngut wow e ya ki kyntien kular wa u W. Nongtdu uwa man kam u symbood kongsan.

Ya kani ka Passing Out Parade da pynphooh pynphieñ da i rwai wa i chaad pynwyrngia.

Neiliang u P. Najiar da yaroh u ya kiwa pait ya kani ka thaw deiwa ong leh wa kani toh ka laad ka kabu ksiar ya ki khon khynroo khyllood wow yoh kreh ki.

U W. Nongtdu won da ong u wa poi u hadooh kani ka kyrdan toh lyngba u P. Muksor.

Related posts

Sñiawkhia ka KSU yeiwa pynemkaam kiwa chong chnong ka Mutong da ki siej yow taan bordiñ cha ki yung ki sem

February 1, 2026

Daw thied thaw chooh lada emkaam wow pynheh ya ka Shillong Airport: Sniawbhalang

February 1, 2026

U Rev W. Tang da e u ya ki kyntien ngoohblai katwa yei kyntien khublei da yoh na u P. Muksor uwa da e khublei ya waroh kini kiwa wan chah hikai. 

Da ong u leh wa i wanrah ya kani ka Training Centre ha kani ka chnong ymtoh iwa suk deiwa kyrpaad u ya ka sorkar wa ki paidbah wow kyrchaan ya kani ka thaw.