Pyndep ki Soo Langdoh ya ka Kñia Pyrthat ha Raij Jowai

Kamwa da sakhi wa wot hapyrdi ka khlam kjut COVID-19 i pynkhreh wei wow pyndep ya ki lehniam waphær waphær yong ka Chaad Niam Behdieñkhlam hapoh ka Raij Jowai ka da man i iwa lai chakhmat.  

Ynne ka sngi ka Dorbar Niam ki khon ka Raij Jowai hapoh i pynlai u Dolloi, u Puramon Kynjing deilang wa kiwi ki Langdoh ryngkat ki chakri niam kam na ka Raij Chyrmang, Raij Tuber wa Raij Ialong da wan embynta lang ki wow pyndep ya ka lehniam wa kyrpang ya u Syiem Pyrthat.

Ha i step wa pyndep ya kani ka lehiam næ ka kñia, chwa wow mih na Yung Langdoh ka Raij Jowai da em ka lehniam wa da pyndep hapyrdi i emlang ka Langdoh heiwa u Dolloi ryngkat u Langdoh, u Pator, ki Sangot wa ki wasan ki waheh da pait da bichaar ki ya ki dak ki chin ha ki le tylli ki Tpu Niam wa da chet da ka Langdoh. 

Ya kani ka lehniam Kñia Pyrthat da pyndep hajrong u Loomkyndong heiwa u Sangot Paswet ryngkat i synraan lang u Sangot Pakyntein wa u Sangot Pasubon da pyndep ki ya ka lehniam hakhmat ka duwan kawa man katkam ka rukom dustur i ngait niam ki khon ka Raij. 

Related posts

Khut sñiawbha ka Raij Barato cha ka Lehniam Pastieh

March 2, 2026

Nadooh i chna mot sahnaam ya ki khlawait ka kur hadooh i yait nei pynklla kur da yaklam ha ka yachemlang ka Kur Iawchibidi  

March 1, 2026

Hadien neini da pyndep won ya ka lehniam wa sah ha Madan Kñia Pyrthat heiwa ki khon ka Raij Jowai ryngkat ki waheh na Raij Chyrmang, Raij Tuber wa Raij Ialong da wan chimbynta ki hapyrdi i pynduna paaid katkam ki kyndon ka sorkar .