Jowai: Ki kaam yalehke Sports wa ha rukom da ku bha ki hapoh ka ri-loom Jaiñtia, wei ha kani ka kynti won uwi u khynroo na Wahiajer, West Jaiñtia Hills da pyndep u ya ka exam wow man kam u National Referee ha ka yalehke Futsal.
Uni u khynroo toh u Dauniwanchwa Phawa wei da pyndep u yaka kyrdan pureæ Refree ha kani ka jait yalehke ha ka FAI National Futsal Referee Seminar 2017.
Kani ka Seminar da pynman ha Mapusa Indoor Stadium, Goa nadooh ka 5 hadooh ka 13 tarik uni u bnai.
Deiwa pyndep u ya ka exam yong kani ka Seminar uni u khynroo da man u kam u National Referee ha kani ka jait yalehke.
Neiliang ka Futsal Association of Meghalaya da ekhublei wei da kitbok ko ya uni u dkhot yong ka uwa man leh uwa nyngkong wow man kam u National Referee ha kani ka jait yalehke napoh ka jylla Meghalaya.
Discussion about this post