15 49.0138 8.38624 1 0 4000 1 https://wyrta.com 300 0
Advertisement ad1

Pyndooh u Mukul yei angnood ki waheh wasian ka jylla: Conrad Sangma

0 Comments
Advertisement ad1
Advertisement ad1

Shillong: U President Rangbah ka National People’s Party (NPP) u Conrad K Sangma da beiñ joor u ya u Montri Rangbah ka jylla u Dr Mukul Sangma deiwa ong wa i hiar u slap ha ka 3 tarik toh ka dak wow sait ya ki kaam jakhlia wa da leh u Dr. Mukul ha ka jylla.

Ya ini u Conrad da ong u hawa pynbaad ya i pep u Dr. Mukul wow soi ya ka Host City Contract wa ka Indian Olympic Association (IOA) neibynta ka National Games ka wow man ha u 2022 ha ka jylla.

Advertisement ad1
Advertisement ad1
Advertisement ad1

Hawa yaklam ha ka yalang paidbah wow pdiang ya ki 8 ngut ki MLA warim cha ka NPP ha Polo, u Conrad da ong u wot hadooh ki blai leh da phah ki da u slap wow pynkhooid ya ki kaam wym man yong u Dr Mukul wei kattu ka jylla u thymme wei daw wan biang i kylla ha ka.

Da ong u wa i pep u Montri Rangbah wow soi ya ka Host City Contract pynyoo ko wa ym kheiñkor u ya ini i kaam ka wow yarap kyntu kynrong ya ka jylla wa oo hi lut por u du wow lai wai moo-yurim.

Da beiñ u leh ya u Dr. Mukul wa pynjæd u ya iwa thrang wa angnood ki waheh wasian ka jylla, wei pynman i ya kiwa mihkhmat ka Congress wow yut ki na ka party wow psiah cha ka NPP.

Da pynbaad u leh ya ka Congress wa hanla hadien 45 snem wa da yoh ya ka jylla, tangwa ym em ki aiñ namo ki rukom krehkaam wa tip leh kam ki Policy neibynta ki khynroo khyllood, ki kaam yalehke, ki kaam uiñke suwari,wa kiwi kiwi.

Ha kani ka sngi da emlang kiwa kitkaam ka NPP na Arunachal Pradesh, Nagaland wa Manipur wa kynthup ya u Symbood Montri Rangbah ka Manipur, u Joy Kumar Yumnam.

U Yumnam hei klam da ong u wa ka NPP yieñ ko neibynta ka thaiñ mihsngi waroh kawi.

Da kyntait u yeiwa ong wa ka NPP toh ka party Garo neibhah ini man ko du i buit election donhi. “Ka jylla Meghalaya daw ku ko lada ki Khasi, Jaiñtia wa Garo krehlang ki chirup” da pynrap chooh chooh u Yumnam.

Advertisement ad1
Advertisement ad1
Advertisement ad1

0 Comments

Leave a Reply