Uwi u bru uwa da dooh Rs. 6 lak hadien wa dep yathong Online da pyndur u wa chah rahbor u yow dawa poisa pyn na kiwa ha-yung u yow pynmih biang ya ka poisa wa da dooh u iwa da jia ha Laltipur District ka Uttar Pradesh.
Uni u bru wa tip kam u Manoj Patel, da ya sooh buit u deiwa ya krehlang wa ki lok u, u Akhilesh Joshi wa u Balwan Lodhi heiwa da kdoh ki yei kti u kjat u Patel yow pyndur wa chah rahbor u.
Ki lok u Patel hadien wa dep ki wow chondur wa da chah kdoh chah khoom u, da phah ki yeini i dur cha kiwa ha-yung u yow dawa poisa.
Kiwa ha-yung u Patel da ngait ki wa chah rahbor u wei da lai pyntip ki cha ki pulit kiwa da pynman yei takit wei da chemdien ki wut-wut yeini wa da leh hi u Patel deiwa pait bniah yei dur wei da tip ki wow ong heiwon ini i thaw wa da chon yei dur.
Ki pulit da boodien ki ya ki lok u Patel wei da kem leh ya ki.
Kam ini da em leh wa da pyrchang da kawi ha u bnai wa dep da ka bru wa tip kam ka Kavya Dhakad kawa na Madhya Pradesh deiwa pyndur wa chah rahbor ko yow ye u pynmih Rs. 30 lak yow lai puræ cha Russia heiwa yeini da leh ko deilang wa u lok ko uwa tip kam u Harshit kiwa da chem na Indore ha uni u bnai hadien wa wiar ko palat ar tayaaw.
Kani da ong ko wa da yoh buit ko wow leh yeini deiwa yoo wa em wa leh yei jooh ha YouTube.
Discussion about this post