15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pyndur e dawai COVID-19 ha ki 4 tylli ki jylla ka ri

Advertisement ad1

Ka Union Ministry of Health & Family Welfare da pyndep ko ar sngi wow leh yei pyndur (Dry Run) e dawai  yada na u COVID-19 ha ki 4 tylli ki jylla kitæ ha Assam, Andhra Pradesh, Punjab wa Gujarat haka 28 wa 29 tarik uni u bnai.

Deiwa chim yeiwa da tip chwa hawa e dawai tika kam ka Universal Immunization Programme (UIP), i e dawai Measles-Rubella (MR) wa ka Japanese Encephalitis (JE) Campaign, da booh sa ki kyndon thymme hawa e yei dawai cha ki bru kiwa da jied ka sorkar, kam ki wakreh Health, kiwa em ha khmat dooh wow yada na uni u khñiang wa ki bru wa em 50 snem i rta chaneiñ. 

Ya ini i pyndur e dawai da leh kamwa da thmu nadooh wa rah i dawai, u pynpoi cha i thaw hadooh wow pynemkaam yaka stat Information Technology kawa tip kam ka Co-WIN Application kawa daw pynemkaam yow tip yei lai luti ki dawai, i pynemkaam ya i dawai wa ki bru wa da yoh ya ini i dawai wa kiwi kiwi.

Ya ini da pynkit ha ki DC wow leh ki ha kini ki District wa da leh ya ini yow chem yeiwa eh wa ye u pynthut manda leh dei yong sakhiat.

Ya ini da leh ha ka Krishna District ha Andhra Pradesh, Rajkot wa Gandhinagar ha Gujarat, Ludhiana wa Shaheed Bhagat Singh Nagar (Nawanshahr) ha Punjab wa ha Sonitpur wa Nalbari Districts ka Assam.

Da chem wa ki kyndon wa da booh kamjooh ka Co-WIN Application toh kawa biang wei kawa krehkaam.

Share this:
Previous

Da toh pynwiar ya u chabi kari ha Jowai

Next

Angnood ka MoRTH wow pynmankaam yei booh Airbag neibynta kiwa chong kari haphrang