Pynemkaam da i bor ka 6th Schedule yow pyrchah yei thmu tih Uranium, ong ka NPYF ha u CEM

Ka National People’s Youth Front (NPYF) Meghalaya ynne ka sngi da lai kyntu ko ya u Chief Executive Member ka Khasi Hills Autonomous District Council (KHADC), u Shemborlang Rynjah wow leh iyi iyi hajrong ka Office Memorandum (OM) yong ka sorkar India heiyatoh wa i kaam tih Uranium.

Neiliang u Working President ka NPYF, u Bajop Pyngrope da ong u wa ka seiñ sñiawkhia ko ya kani ka OM yong ka sorkar India, heiwa da khana u wa ka NPYF da kyntu ko ya u CEM wow tuklar rap smat deiwa pynemkaam yei bor wa da pynkup hapoh ka 6^th Schedule.

ADVERTISEMENT

Da khana u wa neiliang u CEM leh da kular u wow chimkhia smat wei daw khut u ya ki sahep ka Council yow pyrkhat da kawon ka luti u lai.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Kam wow pynkynmoo wa ka sorkar India lyngba ka Ministry of Environment, Forest and Climate Change, ha ka 8 tarik uni u bnai da pynmih ko ya ka Office Memorandum wym pynman de ya ki Public Hearing lada emkaam wow tih ya ki mar pohkhyndaw wa tip kam ki Atomic Minerals wa kynthup ya u Uranium.

Katkam ka Office Memorandum ka MoEFCC da pynbna wow pynlait noh nei emkaam wow pynman Public Hearing lada hap wow tih ya ki mar pohkhyndaw hapoh ka Part B (Atomic Minerals) wa Part D (Critical and Strategic Minerals) yong ka Mines and Minerals (Development and Regulation) Act.