Ka Khasi Students’ Union (KSU) Narpuh Circle ynne ka sngi da pynhaap pyrda noh ko ya ka “1st Mait Shaphrang Knockout Badminton Tournament 2021” kawa da sdang nadooh ka 29-09-21.
Ha kani ka pynhaap pyrda da emlang u Waheh Chnong ka Sonapyrdi, u Edimon Lamare kam u kongsan wa u Let Mukhim uwa na Wahiajer Narpuh kam u symbood kongsan.
Hachwa wow sdang ka yalehke, u kongsan hei klam wa tbian yong oo cha kiwa yalehke da e mynsien u ya ki wow em itæ i mynsien jemnood, i man ryntih wei wow em katæ ka mynsien yalehke wei wow ya burom uwi ya uwi. Kiwa jop ym toh u sñiawsarong ki wei kiwa rem ym toh wow dooh mynsien ki.
Ka yalehke toh kawa da yabhah ar bynta kitæ ka yakhun mar samen wa mar arngut chiliang.
Ha ka mar arngut, u Lumlang Shadap wa u Christopher Dhar kiwa na Umkiang da jop ki ya u Pophang Khonglah uwa na ka chnong Sohkha wa u Rimiki Lamare uwa na Lumshnong.
Ha ka yakhun wa mar samen da jop u Pophang Khonglah uwa da jop ya u Saman Sapoh uwa na ka chnong Sutnga.
Da pynman ya ka yalehke hapoh ka Community Hall Lumshnong.
