Jowai: U Andrew Shullai MDC ka Jowai Central ynne i janmiet da wan pynhaap pyrda u yaka Coaching Camp næ ka esikai heiyatoh wa ki yalehke Sport waphær waphær wa pynlai daka Sport & Youth Affairs Committee yong ka Lion Mission Compound Dorbar Chnong, Jowai haka yalang wada pynman ha Community Hall ka chnong hei sakhi lang kiwa chong chnong.
Kani ka esikai toh kawa da yoh yarap lyngba ka Chief Minister’s Youth Development Scheme yong u snem 2018-19, wa kynthup i yalehke Sport kam ka Football, Table Tennis waka Badminton.
U Andrew Shullai hei klam yong oo kam u kongsan da e yaroh u yaka dorbar chnong hajrong i thooh ko yaki laad ki luti neibynta u kyntu kynrong yei sap ki khon ka chnong, wei lyngba kam kani ka rynsan ki khon ka chnong leh yoh ki ka laad u pynyoo yei saap, natlor wa man haroh ko kam wow sdang yaki wow chlur ki u lai chaphrang.
Ha kani ka sngi neiliang u kongsan u Andrew Shullai, u Asst. waheh chnong u L. Synrem, u Pastor C. Laloo wa kiwi da saam haroh ki ya ki khusnam cha kiwa jop haki kyrdan yakop waphær waphær wada pynman daka Sports & Youth Affairs haka yalang wa pynlai da u Chairman ka Sports & Youth Affairs u S. Chyrmang.
Discussion about this post