15 49.0138 8.38624 1 0 4000 1 https://wyrta.com 300 0

Pynhaap pyrda u SP WJH ya ka 8th U Kiang Nangbah Inter Office Badminton & Carom Board ka MSGEF

0 Comments
Advertisement ad1

Jowai: U Superintendent of Police ka West Jaintia Hills District u Vivek Syiem da pynhaap pyrda u ya ka 8th U Kiang Nangbah Inter Office Badminton & Carom Board Competition 2017, kawa da pynman daka Meghalaya State Government Employees Federation (MSGEF) Jaiñtia Hills, Unit Jowai, kawa da sdang nadooh ka 07.11.2017 wei da kut ko ha ka sngi 09.11.2017, ha Dulong Multi-Purpose Hall, Jowai. Neibynta ka Carom board da pyndep ha Federation Office Ground Floor DC Office Jowai.

Ha kani ka lympung da wan yachim bynta hadooh 12 tylli ki tnat sorkar waphær waphær yong kiwa kynthup ya ka PHE, MeECL, PWD, Soil & Water Conservation, Agriculture, DIPR-Jowai, Industries, Dr. Norman Tunnel Hospital, C&RD Block, Fisheries, Statistical wa ka DM&HO.

Advertisement ad1

Ha ka Carom Board single da jop da u Shlur Lakhon na ka Soil & Water Conservation deiwa pynrem ya u Carmel Kharbihkhiew naka Statistics.

Ha ka Carom Board (Double) da jop u Manesh Sangma wa u Marlan Phawa na ka Agriculture Department deiwa pynrem ya u Vernaroi Bamon wa u Yoohi-mi-oo-tre Patweth na ka PHE.

Katwa ha ka Badminton Singles u Daymenive Shullai na ka Dr. Norman Tunnel Hospital da jop u deiwa pynrem ya u Rimilan Pasah na ka DM&HO.

Ha ka Badminton Doubles da jop u Rimilan Pasah wa u Dr. Peterson Lamare na ka DM&HO deiwa pynrem ya u Daymenive  Shullai wa u Ricky Suchiang na ka Dr. Norman Tunnel Hospital.

Ya ki khusnaam da sam da u kongsam u V. Syiem hei emlang u Waheh Chnong  ka Dulong u S. Bareh, President MSGEF u Dr. D.I. Kjam, u H.Sutnga General Secretary MSGEF, u Teddy Laloo, Indoor Secretary MSGEF wa kiwi kiwi.

Advertisement ad1

0 Comments

Leave a Reply