Pynhær ka India ya ka Aditya-L1 yow lai puræ bniah ya ka Sngi

Hadien wa jop i hiar u Chandrayaan-3 ha u bnai, ynne ka ISRO won da pynhær ko ya ka Aditya-L1 Mission yow lai thooh bniah chaphang ka Sngi deiwa pynemkaam da ka Polar Satellite Launch Vehicle (PSLV-XL) kawa da pynhær ynne ka sngi heipor 1:00 waje i sngi wei ini da man ko i sien wa nyngkong wow pyrchang ka India wow phah kari cha ka Sngi heiwa u Montri wa pait ya ka Department of Space, u Dr. Jitendra Singh da ong wa ynne ka sngi da mih soh i kreh chitom ki Scientist ka India da ki snem.

Ka Aditya L1 daw pynsangeh ka ha i thaw yow skit ya ka sngi iwa tip kam i Lagrange Point 1 (L1) wei yow poi ha ini i thaw daw hap wow lai luti 1.5 Millon Km wei daw chim por hadooh soo bnai.

Ka Aditya L1 daw chim yukheiñ ko yei rukom man ka sngi nadooh i chit, i rukom man ka Sngi wa kiwi kiwi de.

Hapoh ka Aditya-L1 em 7 tylli ki kor (VELC, SUIT, SoLEXS, HEL1OS, ASPEX, PAPA waka MAG) kiwa daw leh ya jar jiar i kaam ki nadooh wow puræ bniah ya ka Photosphere, Chromosphere, Corona, ki Solar Winds wa kiwi kiwi de kiwa yatoh waka sngi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hei ktien Sankrit, Aditya mut ka Sngi wei nadooh myntu daw pynskit chwa ya ka Aditya-L1 16 sngi ha ka haaw haaw ka Pyrthai chwa wow dap bor yow ye u pynlait ka yow hær cha ka Sngi wei hadien ini daw chimpor sa 110 sngi yow poi cha ka Lagrange Point 1.

Ka Aditya-L1 u neh ko ha ini i thaw wa pynsangeh ka wei ym tia de ko cha jan ka sngi.