Dawa ka HITO wow pyndam ya ki Trading License wa da yoh kiwa sah ha RR Colony wa e NOC da ka Society

Ka Hynniewtrep Integrated Territorial Organization (HITO) da dawa ko na ka Khasi Hills Autonomous District Council (KHADC) wow pyndam noh ya ki Trading License wa man pyrchah aiñ wa da e ha Them Rynjah kawa em hapoh ka Rynjah Dorbar Chnong.

Hadien wa yachem wa u CEM ka KHADC, neiliang u President ka HITO, u Donbok Dkhar da ong u wa da chem wa nadooh u snem 2007, ka RR Colony Welfare Society da e No Objection Certificate (NOC) ko cha ki dkhar yow seiñ khih ki hanla kani ka Colony hanla dang haap hapoh ka Rynjah Dorbar Chnong.

Da ong u leh wa ka R&R Colony Welfare Society da yoh ko yei bor wow e NOC cha ki dkhar deiwa e bor u AL Hek kam u MLA wa u EM warim wa pait ya ka chnat khayi pateiñ ka KHADC, u Sanbor Shullai wei ya kani ka rai da chim wow pynkrehkaam nadooh ka 16-02-2007.

U Donbok da ong u leh wa i rai wow e bor ya kani ka Society wow e NOC ko yow ye u yaleh Trading License ha Them Rynjah kawa man kam ka dong hapoh ka Rynjah Dorbar Chnong hapoh ka Mylliem Syiemship man ko pyrchah ya ka aiñ wei da tyngkheiñ ko leh ya ka Mylliem Act 2007 waka Rules 2015 kawa da mynjur da ka KHADC.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Kamtæ da dawa u leh wow pynche ka Rynjah Dorbar Chnong yei daw wa e NOC da ka Society heithaw ka Dorbar Chnong.

Ha iwi won i liang leh, ka Khun Hynniewtrep National Awakening Movement (KHNAM) da dep paan pynche ko na u Sanbor wa u Hek kiwa man kam ki MLA ka BJP wa ha kawon ka yurim wa da thung ki da u dkhar kam u waheh chnong ka RR Colony yow man ko kam ka yong ka hi ka chnong.