U Hardeep Singh Puri uwa man kam u Montri ka chnat Petroleum & Natrural Gas ka sorkar pyrdi da pyntip u wa nadooh 6:00 waje ynne i step ka 15 tarik da pynhiar yei dor i Petrol wa Diesel ha waroh kawi ka ri wei ini daw pynmyntoi ko ya palat 58 lak tylli ki kari kit mar wa 6 klur tylli ki kari paidbah wa 27 klur tylli ki kari ar chaka.
Da pyntip u wa da leh yeini yow pynduna yei ku dor ki mar ki mata, yow lait leh nei lutphut ki paidbah yow yoh poisa ki u pynlut cha kiwi ki kaam wa emkaam u thied ki heijooh i por leh daw yarap ko ya ki warep kiwa pynemkaam Tractor wa kiwa pynemkaam ya ki Pump.
Ini i pyhiar dor toh Rs. 2 ya i Petrol wa kamjooh yei Diesel.
Da e nongmuna u wa ha pyrthai kattæ i dor i phñiang kari da ku i da 50-72% wot ha ki ri wa da roi da paar bha wei deiwa kheiñ yonglang hapoh India, i Petrol da man i kamwa Rs. 94 chi litre katwa ha Italy won Rs. 168.01 iwa syat da 79% bar yaka India, ha France Rs. 166.87 iwa 78%, ha Germany Rs. 159.57 iwa 70%, ha Spain Rs. 145.13 iwa 54%.
Heiyatoh wa i Diesel won da ong u ha India deiwa kheiñ yonglang da man i Rs. 87 chi litre katwa ha Italy Rs. 163.21 iwa 88% i syat bar yaka India, ha France Rs. 161.57 iwa 86%, ha Germany Rs. 155.68 iwa 79% katwa ha Spain Rs. 138.07 iwa 59%.
Mar ya pynbna yeini, u Chief Minister ka Rajasthan leh da pynbna u wa da pynhiar da 2% ka VAT heiyatoh wa i Diesel wa Petrol. Wei da ini deiwa kheiñlang wa iwa pynhiar dor ka sorkar pyrdai, ha Rajasthan da hiar dor i Petrol sa Rs. 1.40 hadooh Rs. 5.30 katwa i Diesel won da hiar da Rs. 1.34 hadooh Rs. 4.85.
Discussion about this post