Jowai : Manda sdang khrong dan ka Dorbar ki Dolloi Ri Jaiñtia da boon kiwa ood yei dor wa chim ki, wei ynne ka sngi neiliang u General Secretary ka FKJGP-JH u ma Ricky Shylla hadien wa wan ujor ki paidbah cha oo da pynsñiaw u yeini ha ki bor wa toh u pait yeini.
Da ong wa i bai khrong dan ka seiñ ki Dolloi man i iwa heh wei i wym chong nongrim, kamtæ da pyrchah ki yeini waroh.
I dor wa khrong dan ki Dolloi hadooh katni man i kamni ya ki truck wa kit moyong u chim T. 50 chi metric ton, u moochuni T. 10 chi metric ton, u mooleiñ T. 20 chi metric ton, u Clinker u chim T. 50 chi metric ton, Khyndawbilat (Clinker) u chim T. 5 chi churia, u saroo u chim T. 0.25, u rangow u chim T. 5 chi churia, ki dieñ cubid u chim T. 5 chi cubid, ya ka snieh dieñ u chim T. 0.50 chi kilo, u chyiap wa u khyndaw u chim T. 200 chi truck wa u ki mooria u chim T. 200 chi truck.
Hadien wa ood ki paidbah hei yaklam wa u Secretary ka Dorbar ki Dolloi Ri Jaiñtia u ma Manbha Kyndoh hei yaklam wa u Wyrta ynne ka sngi ka 20 tarik, da pyntip u wa neiliang ka dorbar da chong pyrkhat ko wei da rai wow pynhiar ya ka bai dan khnang wow ya im liang wanang.
Da pyntip u wa ka dorbar da booh dor thymme ko kiwa man kamni, ya u mooyong da pynhiar na ka T. 50 cha T. 40 chi metric ton, ya u Clinker na ka T. 50 cha ka T. 30 chi metric ton, ya i khyndawbilat naka T. 5 cha ka T. 3 chi churia katwa ya ki dieñ langdong da pynhiar naka T. 5 cha ka T. 3 katwa kiwi ki mar u neh ki kamjooh.
Ya ini i dor thymme daw phah cha ka sorkar wei daw pyntip mynnu u sdang krehkaam ko.
Discussion about this post