Pynhiar ka High Court na 18 snem cha 10 snem i phah kset ya uwa slaitbor yaka khynnah wa dang 5 snem

Uwi u bru uwa tip kam u Rajingstar Thabah uwa da phah kset da ka yung bichaar u Special Judge (POCSO), Shillong hadooh 18 snem deiwa pynchitom bha wei da phah su ka kuna wa Rs. 20,000 neidaw wa slaitbor u ya kawi ka khynnah wa dang san snem ha u snem 2017, da lai kyrpaad u cha ka High Court ka Meghalaya pyrchah ya ini wa da rai pynrem ya oo.

Ha ka FIR wa da e haka 03-11-17 da ka bei kani ka khynnah ha Sohiong Police Outpost, East Khasi Hills da ong wa uni u bru da slaitbor u ka ka khon ko kawa dang 5 snem 10 bnai wei da maham u ka leh.

Neiliang ki pulit da pynngat ki ya uni ha ka Section 6 ka aiñ POCSO deilang waka Section 376(2)(i) waka Section 511/506 IPC.

Ka High Court hawa pait yei rukom chah bichaar uni u bru da ong ko wa ki Doctor kiwa pait ya kani ka khynnah ym ye ki wow ong deiwa tikna wa lada chah slaitbor ko wei ym em chem ki iwa pynyoo wa chah ktah i bynta yong kynthai kani ka khynnah wei i kha wa em em ye u pynman nei wym em leh khooid wei lada em iwa jia yaka leh toh iwa na jrong donhi ym toh iwa da psiah chapoh.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Kani ka khynnah da ong ko wa chah slaitbor ko ha uni u bru uwa man leh kam uwa dang emyatoh ko wei ini da jia i ha pchem yung ko heiwa uni u bru da thap u leh da u dieñ chapoh yong ka wei da dat u ka leh da u dieñ.

Da ong ko leh wa da thap u yei bynta chynrang u chapoh yong ka wei da kiad ko neidaw wa joor wa kjut wei heipor wa jia ym em ka bei ko ha yung.

Tangwa ka yung bichaar da ong ko wa hanla kani ka khynnah da ong ko wa da jia ini, tangwa ki sabut won ong ki wa boi wym em psiah chapoh iwa najrong donhi wei ki kha ye u man nei wym em leh khooid ko.

Heijooh i por ka High Court da ong ko wym ye u kyntait wa uni u bru ym em leh u iyi iyi leh neibhah uni u bru da dep phla u wa emlang u wa kani ka khynnah ha katai ka sngi heipor wa da sep ka sngi.

Chooh da ong leh wym ye u kyntait yeiwa phla kani ka khynnah kamjooh yeiwa chem ki Doctor.

Ka High Court leh da ong ko leh wa neidaw wa da pynkylla ya ki kyndon pynchitom ya kiwa chah pynngat ha ka kyndon ka POCSO Act wei ym ye u phah kset palat 10 snem, kamtæ da pynkylla noh ya ka hukum phah kset na ka 18 snem cha 10 snem deiwa pyrkhat leh wa ya kiwa leh bakla hap pychitom hi ki.