theme-sticky-logo-alt
theme-logo-alt

Pynjrong ka Dorbar Chnong Ialong sa 70 Meter ya ka Um Dalong Fish Sanctuary

Da ini da pyntip cha phi ki paidbah dei mynsien wa sñiaw khian wei dei paan maap neiliang yong ka Dorbar Chnong Ialong waroh kawi hajrong i slem wow pyntip paidbah heiyatoh wa i pynjrong chooh chooh ya ki bynta ka Um Dalong Fish Sanctuary kawa em hapoh u pood u ang ka chnong deiwa pynjrong ya ka sa 70 Meter cheiliang chaneiñ na ka 100 Meter kawa da em chwa ko iwa dadep pynbna chwa nadooh ka 01-05-2021 kawa man leh ka sngi wa da pynbna ya ka Um Dalong Fish Sanctuary.

Kamtæ deiwa pynjrong sa 70 Meter da man wa i jrong kani ka Fish Sanctuary 170 Meter waroh hadooh wa poi ka Check Dam (Dieñ Rngam) nadooh wa pynyieñ ya ka Signboard yong ka Dorbar Chnong Ialong cha ka liang sep sngi.

Kamtæ da kyrpaad ya waroh ki paidbah wow sñiawbha phi u ya krehlang chirup wa ka Dorbar Chnong Ialong khnang yow ye u pynlai bait pynlai ryntih yei angnood yong ka chnong hi waroh kawi.

Ini mut wa da khang pyrchah ya kiwon kiwon ki bru wym chah de u khwe lane tong doh um hapoh kani ka thaw nadooh ka 08-04-22 wei ki kyndon aiñ yong ka Dorbar Chnong Ialong da yang chwa ki ya kiwon kiwon kiwa yaleh pyrchah.

“I ya krehlang yong phi ki paidbah yooluti wow ye u pynphet ya ki kaam chakhmat, khamtam hei wow pynwan dur ya ka chnong Ialong kam kawi na ki Tourist Spot wa bna naam yong Ka Ri-loom Jaiñtia waroh kawi.”

I pyntip lyngba u Waheh Chnong Ialong, u T. Ram Phawa.

Share this:
Previous

Pynman ka KSU Sonapyrdi ya ka Mait Shaphrang Sports Meet

Next

Pynsangeh chwa ka MPSC ya waroh ki Interview wa ki kaam yaleh kreh