theme-sticky-logo-alt
theme-logo-alt
Advertisement ad1

Pynjrong ka sorkar yei chuti ki khynnah skur chadooh ka 24 tarik

U Montri wa pait ya ka chnat puræ puthi ha ka jylla, u Lahkmen Rymbui da pyntip u wa ka sorkar da pynjrong ko ya ka chuti yong ki khynnah skur cha ka 24 tarik uni u bnai kawa toh u kut noh ha ka 10 tarik, deiwa pynrap wa ka sorkar da dep ko wow pynmih leh yei pynbna wa ki bor pynlai District wa ki Managing Committee u chim ki yei rai lada emkaam.

Hawa yatoh won wa i chngaaiñ ki khynnah skur, da ong wa ym em da kiwi won ki laad wow yarap lait na i syndong wei wow yada ya idæ hi, heiwa da kyntu ya ki khynnah wa khamtam ya ki bei ki pa wow pynchlur ya ki khynnah kiwa da em 15-18 snem i rta wow e tika yow yada nei chah ktah ha u khñiang kjut.

Hawa kylli, u Rymbui da ong u wa ym pu ye wow ong iyi iyi lada daw pynlai biang ya ki skur kamwa da leh ha ki ar snem wa da dep næ da kamwi won, neibhah ym toh iwa suk ya ka sorkar wow chim jhan yei rai.

Da ong u leh wa ya katni iwa emkaam toh wow chim yei rai wer wer wei da pynsñiaw leh yei kyrmen wa deiwa ya krehlang na waroh ki liang daw ye u wanrah yei chngaaiñ ya ki khynnah ha ki skur.

Advertisement ad1
Share this:
Previous

Da pynlait ya u khoo rachon wow saam mynkna ha West Jaiñtia Hills

Next

Kyrmen u Renikton wow pynbait pood ki kattu katni ki thaw chwa i dap 50 snem ka Meghalaya