Ka seiñ Federation of Khasi Jaintia & Garo People (FKJGP) South Eastern Border (SEBA) Circle ynne ka sngi da hiar ko cha chnong Lakadong Ummat wow pynkha ya ka FKJGP-Lakadong Ummat Unit.
Ya ka yalang da pynman ha Community Hall yong ka chnong heiwa da pynlai ya ka yalang da u President ka FKJGP SEBA Circle, u Mathew Pajat iwa pynbood won yei kyntein pdiang sñiawbha na u Waheh Chnong, u Yoowan Amkhloo kamjooh da yoh yei klam wa tbian na kiwa yahkhmat ka FKJGP East Jaintia Hills District Khliehriat, u MC Suting, President wa na u D.H. Sumer, General Secretary.
Chooh chooh da pynchongchit ya kani ka yalang na ka FKJGP Khliehriat Circle ryngkat i sakhilang kiwa yahkhmat ka FKJGP Jaiñtia Hills District Zone, u R. Shylla, General Secretary kamjooh u Marhok Myrboh, Vice President uwa leh yei bynta wa kongsan heiwa da pynkular u ya kiwa yahkhmat kani ka Unit wa thymme wow kreh bha ki neibynta i bha i miat ya ka chnong ka thaw, ka dong ka chnat wa ya ka jaitbru waroh kawi.
Kiwa yahkhmat ka Unit man ki kamni:
- President- U Leki Hynthong
- Vice President- U Edwind Shilliangam
- General Secretary- Kymmobha Patwat
- Assistant Secretary- U Shibaitlang Suchen
- Organizing Secretary- U Hamdiaw Syad
- Information Secretary- U Yosuk Thamar
- Education Secretary- U Protasius Shading
- Discipline Secretary- U Damon Shadong
- Agriculture Secretary- U Sperki Biam
- Sports Secretary- U Phrangsngi Suchen
Ki Executive Member:
- U Sumar Hynthong
- U Emos Suchen
- U Dawan Suchen
- U Abas Lyngdoh
Hachwa wow pynwai ya ka yalang da yoh yei kyntein e khublei na u President ka FKJGP Khliehriat Circle, u Michal Chyrmang deilang wei kyrkhu kyrdooh wa i e Khublei Christmas wa snem thymme wa suk wa kmen ya waroh.
