theme-sticky-logo-alt
theme-logo-alt
Advertisement ad1
Advertisement ad1

Pynman ka FKJGP Lama Unit yei pynkhooid chnong

Kam chibynta u wanrah ya i khooid i suba hapoh ka chnong ka thaw, neiliang ka FKJGP Lama Unit dei yakreh lang wa ka yung krehkaam u Waheh Chnong Lama da pynman ko yei pynkhooid chnong ynne ka sngi heiwa da ya chimbynta da ki khon yong ka chnong waroh nadooh i step hadooh i janmiet wei da booh leh ya ki Dustbin kamwa 40 tylli wa da pynkhreh da ka FKJGP Lama Unit.

Ha kani ka sngi da bhah ha ki soo tylli ki kyntoit dong da ka bor chnong, heiwa neiliang ka seiñ FKJGP Lama Unit da pynchlur ko deiwa booh ya ka khusnam ya ka kyntoit wa khooid yow yoh ko yei naam kam ka kyntoit wa khooid tam deilang wa ka song poisa T. 1000 wei ya kiwi tawon ki kyntoit da e T. 500 kawi kam ka Consolation Prize.

Ya kani ka pynkhooid chnong da pynchit deiwa ya emlang kiwa yahkhmat ka FKJGP Jaintia Hills Zone nadooh u Vice President, u Marhok Myrboh wa u General Secretary, u R. Shylla, kiwa yahkhmat ka FKJGP East Jaintia Hills District hapoh i yahkhmat u Deihok Sumer wa kiwa yahkhmat ka FKJGP Khliehriat Circle deiwa emlang u President, u Michal Chyrmang wa kiwa yahkhmat ka FKJGP SEBA Circle, u Mathew Pajat wa u General Secretary, u Eladmi Suchen.

Da ekti ha ka seiñ lyngba u Waheh Chnong, u Tellme Dong wow bichaar ya ki dong wa khooid dooh heiwa da chaniah ha u Marhok Myrboh wa u Michal Chyrmang, kamtæ dapoi cha wakut deiwa ekti ha u Waheh Chnong ya ki khusnaam wow saam cha ka Dong Neiñ kam ka kyntoit wa khooid dooh.

Share this:
Previous

Pynkha chnat krehkaam thymme ka FKJGP ha chnong Lakadong Ummat

Next

Pynman ka West Jaiñtia Adventure & Cycling Association ya ka Cleaning Drive