Ka East Jaiñtia National Council (EJNC) kam chibynta wow pynkhlan ya i rukom krehkaam ka seiñ, ha kani ka 10 tarik uni u bnai da yoh laad ko wow pynkha ya kawi ka chnat krehkaam wa thymme yong ka seiñ kawa tip kam ka EJNC-Eastern Border Area Unit, Elaka Narpuh East Jaiñtia Hills District.
Ya kiwa kitkaam yong katai ka Unit da pynskem ya ki ha yung krehkaam yong ka seiñ ha Khliehriat, ya ka yalang pynskem ya kiwa kitkaam wa pura yong ka EJNC-EBAU da pynlai da u Allmiki Ryngkhlem, Vice President EJNC-CEC.
Yaki ktien pdiang burom ya ki ki dkhot wa thymme da yoh na u Nini W Sungoh, Finance Secretary EJNC-CEC, yaki ktien sneiñ ktien kyntu kynpham da yoh na u Sakilan Chyrmang, President EJNC- Sumer Circle wa na u Kitborlang Dkhar, President WJNC.
Ya i pynche hajrong ka yurim yong ka seiñ wa ka lai luti yong ka seiñ da yoh na u Nangjan Dkhar, General Secretary EJNC-CEC, ya kiwa kitkaam yong katai ka Unit wa thymme da pynsmai da u Sambormi Lyngdoh, President Rangbah ka EJNC.
Kiwa kitkaam yong ka EJNC-Eastern Border Area Unit man ki kamni ha wah:
- President-Shining Dkhar
- Vice President-Niyo Lamare
- General Secretary-Chawas Chadong
- Asst General Secretary-Heibor Salahe
- Publicity Secretary- Dung Laloo
- Organising Secretary-Ning Salahe
- Education Secretary-Salang Tangliang
- Sport Secretary-Nando Ksih
- Art & Culture Secretary-Lakhon Siangshai wa kamwa 6 ngut ki Executive Member (EM).
