Jowai: Katwa dangmih ki sngi ka tnat khynroo yong ka Bharatiya Janata Party, West Jaiñtia Hills District kawa tip kam ka BJYM dang ye ko u sooh thied hapoh ka District heiwa da pynkha won ko sa ya ka tnat yong ka ha Mowkaiaw.
Ya kani ka tnat da pynkha hapoh i yahkhmat u District President u Arborlang Nongsiej wa u Vice President u Heiborki Suchiang wei da emlang u Incharge ka BJP ka 4-Mowkaiaw wa ka 3-Raliang u Tony Phawa.
Hawa e i klam, u Nongsiej da kyntu u yaki dkhot wow man ki kiwa minot wa kiwa kreh chitom wei da batai u leh ya ki rukom krehkaam ka party.
Ha kani ka sngi da thung ya kiwa kitkaam ka BJYM wa pura ka 4-Mookaiaw Constituency kiwa kynthup ya kini hawah:
1.President – u Rihok Miki Rabon
2. Vice-president – u Chi Rynki
3. General secretary – u Jingthmu Law
4. Treasurer – u Heimonmi Rabon
5. Secretary – ka Hakaru Paia Dkhar, u Emsaid Shadap, u Kheinkor Suchiang
Discussion about this post