U khliehdooh ki chipai ka ri namo u Chief of Defence Staff u General Bipin Rawat ynnin ka 20 tarik da sakhi u yei pynkha ka Indian Air Force ya ka 222 Squadron yong ki lieñsuiñ yapam Sukhoi-30 MKI kiwa ye u siat ya u naamdiñ BrahMos ha ka yalang wa pynman ha Airforce Station (AFS) Thanjavur.
Ki Sukhoi-30MKI toh ki lieñsuiñ yapam wa ye u siat ya u BrahMos Cruise Missile wei uni u naamdiñ manda siat ye u wow tne ya ka thong la ha duriaw næ ha khyndaw ha iwon iwon i por wa i man i suiñ bneiñ.
Ka IAF da pyrchang siat nyngkong ko ya u BrahMos na ka Sukhoi-30MKI ha ka 22 Naisan 2019 wei uni u naamdiñ da tne u sbak ha ka thong wa da booh.
Ya kani ka chnat wa thymme wa da pynkha ka IAF toh kawa da tip kam ka Tigersharks No 222 Squadron.
Ya ini i pynkha ya kani ka Squadron da wan sakhi leh da u khlieh ka IAF u Air Chief Marshal RKS Bhadauria, u Air Marshal A Tiwari wa u Vice Admiral AK Jain.
Kini ki lieñsuiñ SU30 MKI daw bahkhlieh ki wow yada ya i suiñbneiñ hajrong khyndaw wa duriaw.
U Air Chief Marshal RKS Bhadauria da ong u wa ya kini ki 30-MKI daw pynkrehkaam ha ki thaaiñ Northern Sector ka ri katkam wa dawa i kaam na ki por cha ki por.
Discussion about this post