Pynkha ka JSM ya ka Mukoh Zone heiwa kiwa kitkaam boon da ki manbei

Jowai: Ka Jaiñtia Students’ Movement (JSM) Central Body hei yahkhmat u President yong ka, u Leningstar Rymbai deilang wa kiwa kitkaam wa hakhmat yong ka seiñ, ha kani ka 29 tarik, ka seiñ da pynkha ko ya ka tnat krehkaam wa thymme yong ka kawa tip kam ka JSM-Mukoh Zone. Ka JSM Mukoh Zone toh kawa haap hapoh ka Saitsama Police Outpost, West Jaiñtia Hills District.

I pynkha ka JSM ya kani ka tnat krehkaam wa thymme man ko kam chibynta wow pynyaar chooh chooh ya i e chakri ya ka jaitbru cha ki thaiñ nongkyndong kiwa dang emkaam chiboon bah ki yarap lyngba ka seiñ.

Ya ka yalang da pynlai da u Publicity Secretary ka seiñbei u Skhembhalang Dkhar. Hawa e i klam ha kani ka yalang, u President ka seiñbei u Leningstar da pynsñiaw u yei yaroh ya kani ka Unit wa thymme kamjooh neidaw wa kiwa kitkaam ha kani ka tnat thymme boon da ki manbei. Kamtæ lyngba kani ka Unit wa thymme kam ka seiñ hi waroh kawi da yooluti ko wa daw mih pyrthai ki kaam wa bha kani ka Unit kawa em leh ha khappood waka Karbi Anglong District, Assam.

Kiwa kitkaam yong ka JSM-Mukoh Zone man ki kamni ha wah: