Jowai: Ynne ka sngi ka 21 tarik ka National People’s Party 6 – Khliehriat Block Unit hapoh i yahkhmat u President u Rapbait Bareh ha i emlang u Secretary u K.C. Rymbai wa ka President ka Women’s Wing ka M.S. Bareh da lai pynmih ki sa ka wi ka Unit wa thymme kawa da e pyrtuid ka National People’s Party (NPP) Tuber Shohshrieh Circle kawa haap hapoh ka 21-Tuber MDC Constituency ha ka yalang wa pynman ha ka chnong Mukhaialong East Jaiñtia Hills District.
Ha kani ya yalang da jied ya u Humphrey Dkhar kam u President, u Thynda Dkhar kam u Secretary wa ya u Knet Phawa kam u Treasurer deilang wa 40 ngut ki Executive Committee Member wei da pdiang leh ya palat 400 ngut ki dkhot ba thymme kiwa wan psiah cha ka Party na waroh ki 8 chnong kiwa em hapoh ka 21-Tuber MDC Constituency.
Da pynskem ya kini kiwa kitkaam wa ki dkhot wa thymme da u President ka 6-Khliehriat Block Unit u Rapbait Bareh hei emlang u Helping Phawa Ex-MDC ka thaaiñ wa kiwa bood ya oo.
Ini toh katkam wa pyntip u K.C. Rymbai, Secretary NPP 6-Khliehriat Block Unit.
Discussion about this post