Ka seiñ Meghalaya People United Front (MPUF) ynnin ka sngi da pynkhai ko ya kawi ka chnat ka seiñ ha Nongstoin, West Khasi Hills District hei emlang u President ka Khliehriat Circle, u Sanjoy Bareh, u President ka Sanshnong Circle, u Juny Phawa wa kiwi kiwi.
Ha kani ka sngi da em ka yalang wa tbian wa pynlai da u General Secretary ka seiñ, u Aimonbha Syad wei da yoh i klam na ka President ka Women’s Wing West Jañtia Hills, ka Ridaroi Shadap, na u dkhot ka CEC u Nihimaya Pakem wa kiwi kiwi.
Ya ki kyntien kular neibynta ki dkhot kani ka chnat thymme da yahkhmat da u President ka seiñ u D. Wanmi Laloo wei da pynkut ya ka yalang da ki kyntien na ka Presient ka chnat thymme, ka From Simora Marngar.
Ki dkhot yong kani ka chnat man ki kaamni ha wah:
President: Ka Fromsimora Marngar
Vice President: Ka Biltimery Khardewsaw
General Secretary: Ka Mildaris Sohlang Piaw
Assistant Secretary: Ka Mamisha Paliar
Finance Secretary: Ka Imelda Dkhar wa 50 ngut kiwi ki dkhot.