Shillong: U Commissioner & Secretary yong ka Meghalaya Political Department da pyntip u wa hadien wa pdung bom IED heiwa da dooh yei mynsien yong ki soo ngut wa kynthup ya u kyrtong ka NCP u Jonathone N. Sangma, da pynman ya ka yalang yong ki heh ki pulit ka jylla heiwa da emlang leh u Additional Chief Secretary Incharge Home (Police), u Director General of Police wa kiwi de ki heh pulit.
Da chim ki ya ka rai wow pynboon ya ki Central Armed Police Force (CAPF) yow pynlai bait ya ka Election ha kiwa boon ki thaw.
U Director General of Police leh da hiar u cha ri-loom Garo yow sylli yei rukom man ki chnong ka thaw wei wow pynman ya ki kaam wow thooh wow kdong ya kiwon kiwon kiwa thmu wow pynthut ya i lai bait ka Election.
Da booh leh ya u Deputy Inspector General (DIG) u wow em ha Williamnagar u wow pait ya ki kaam pyrchah ya ki seiñ kieñ suloi.
Kamjooh da phah ya waroh ki Deputy Commissioner wa ki Superintendent of Police ha waroh ki District wow pynbiang ya i yada ya ki kyrtong yow lait biang u jia iwa sñiawsih.
Ka sorkar leh sñiawskem ko wa ini waroh da pynkhreh ko, u yarap ko u pynman ya ka Election kawa khooid wa kawa lai bait wei da kyntu ko leh ya ki paidbah wow krehlang waka sorkar wow pyntip ki cha bor ka district lada chem namo sñiaw ki ya kat iwa em wa ye u pynthut ya ka Election.
Discussion about this post