Jowai: 1st T20 Cricket (Tennis ball) Tournament wa pynman da ka Chiruplang Sports & Socio-Cultural Club, Jowai da sdang ya ka ynnin ka sngi ka 19 tarik ha madan Kiang Nangbah Government College, Jowai.
Ha kani ka Tournament da wan chimbynta hadooh 15 tylli ki dhab na kylleiñ ka ri-loom Jaiñtia.
Ya kani ka Tournament da wan wai ya ka da u kongsan u Pyrkhat Shylla hei emlang u waheh chnong ka Mihmyntdu Pyllun u Lakhon Pyrtuh, u Secretary ka All Jaintia Cricket Association u Isaiah Muksor wa kiwi kiwi dei kiwa da khut sniawbha.
Ha kani ka sngi da sdang da ka yalehke ha pyrdi ka Mookyrdup Youth Welfare Organisation (MYWO) pyrchah ya ka War United.
Ha kani ka yalehke da jop da ka War United da 231 run.
Ka War united da Bat nyngkong ko wei da kamai ko hadooh 282 Run deiwa dooh ko 7 Wicket.
Kiwa da leh bha na ka War United toh u Banker Jungai uwa kamai 99 Run, u Wailad Myrshiang uwa da kamai 53 Runs wa u Lester Kassar uwa kamai 40 Run.
Katwa neiliang ki Bowler ka MYWO u Wikdawan Plain da yoh u 4 Wickets na ki 4 Over.
Ka MYWO hawa kdong ko ya ka thong da ye ko u kamai du 51 Run wei da haap lut ki Wicket ha ki 7 Over.
Neiliang ka MYWO u wa kamai boon Run dooh toh u Smiling Shadap uwa yoh 12 Runs.
U Bowler uwa da leh bha na ka War United toh u Wailad Myrshiang uwa da toh 7 tylli ki Wicket na ki 4 Over.
Discussion about this post