Jowai: Hadien wa wan hiar thma ki damok na Bangladesh cha ki chnong wa em ha khappood wa ka ri ha kini ki sngi wa dadep da wanrah i ya i mynsoo ki bru samen kamjooh ki chipai BSF wei ini waroh da pynsyir mynsien i ya ki paidbah kiwa chong chnong ha khappood.
Neiliang ki bor pulit ka West Jaiñtia Hills da yaleh ki wow wanrah biang ya i chong chngaaiñ hapyrdi ki paidbah ka thaaiñ.
Katkam ka yutip wa tikna da wanrah sa 4 ngut ki Sub Inspector wa kamwa 40 ngut ki pulit heiwa da booh leh ya u Addl. SP ka District u Bijay Chettri wow pait yei kaam wow sonteri ya kini ki chnong.
Hadien wa jia ini i chah hiar thma da mih leh ki kyntien hamsaya kiwa ong wa da chah ksoh uwi u nong Bangladesh ha khappood.
Heiyatoh wa ini ka yutip wa tikna da ong wa em uwi u bru uwa da tia cha jan u pood tangwa kamwa da jooh leh na ki por nachwa da beh noh ya oo da ki chipai BSF.
Katkam wa man katni ym em iwon iwon i jia wa phylla ha ki chnong wa em ha khappood wei ki pulit da man bha ki kiwa husiar.
Discussion about this post