Jowai : Ka chnong Umjalasiaw, West Jaintia Hills District kawa haap hapoh ka Thadlaskein Block da pynman ko da i pynkhooid chnong ha kani ka 28 Thohlakhmi 2016, ya kani ka pynkhooid chong da leh hadien wa ka chong da yoh yarap ko na ka Block ryngkat wa ka Department yong ka PHE heiwow chna ya ki Painkhana.
Ya kani ka pynkhooid chnong da yahkhamt da u waheh chnong u ma L. Rymbai. U ma Rymbai da ong u wa e u i sñiawngooh ya ka tnat PHE kamjooh leh ya ka Block Thadlaskein kiwa da ye u pynyoh ya waroh ki manyung yong kani ka chnong kiwa em hadooh 127 tylli kiwa da yoh wow chna paiñkhana.
U ma Rymbai da ong u leh wa i yoh ya ki paiñkhana hapoh ka chnong ka thaw man ko i kyrkhu wa khroo ya ka chnong ka thaw neibhah wa i em kini ki paiñkhana pynlait ko nei jakhlia wa ktah yei chait i khiah ki bru samen wa ka chnong waroh kawi.
Dei ka-it mynsien yeiwa da e ka sorkar ya ki, ki nongchong chnong waroh da mih paidbah ki heiwow pynkhooid chooh chooh ya ka chnong ka thaw yong ki.
Discussion about this post