Ynnin ka sngi ka Khasi Students Union (KSU) Jowai Unit hapoh i yahkhmat u Ewanmi Phawa u President yong ka Jowai Unit deiwa emlang leh kiwi ki dkhot ka Jowai Unit kamjooh kiwa pynlai chnong ka Mihmyntdu da pynman ki yei pynkhooid chnong yong lang.
Da yakrehlang ki wow pynkhooid ya ki luti wa ki rood sarok waka chnong hi wei hadien wa dep pynkhooid da e sñiawbha ka seiñ kamwa 30 tam ki Dustbin yow booh nadooh Mihmyntdu Mookymphad hadooh Ladthadlaboh.
Kamtæ neiliang yong u Ewanmi Phawa da ong wa ka KSU ym pait ko du yei eh i jynjar, tangwa pait ko leh yei khooid yei suba neibhah wa i khooid man ko kawi ka aiñ wa nyngkong kawa ye wow wanrah yei chait i khiah ha waroh ki liang kamjooh ka KSU pait ko leh khamtam ya ki manyung wa dooh wa rangli.
