15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka thaaiñ North East daw man ko kam ka thaw uiñke suwar wa ka-it bha ki bru hadien ka khlam COVID-19: Dr. Jitendra Singh

Advertisement ad1

U Union Minister of State (Independent Charge) Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh da ong u wa ka thaaiñ North East daw man ko kam ka thaw uiñke suwari wa ka-it bha ki bru wa uiñke suwari ha India hadien wa kut ka khlam COVID-19 ha India. Ya ini da ong u kam u kongsan haka 8th North East Festival kwa pynman lyngba ka Internet, da ong u wa ka thaaiñ North East daw yah ko nakhmat wei daw man ko leh kam ka bor haka khayi pateiñ kiwa da em chwa i spah rymaw kamjooh ki bor bru. Da ong u leh daw man ko kam ka kor wa thymme wei daw man ko leh kam ka thaw thymme heithaw wow lai ki bru cha ki ri ka Europe neidaw waka thaaiñ North East man ko kawa ym em chah ktah ware haka khlam hawa kiwi ki thaw da chah ktah bha ki.

U Dr. Jitendra Singh da kyrmen u wa ki bru manda jied ki ya ki thaw lai chuti ha ki por wow wan wa daw jied ki yaka thaaiñ North East kawa da man chwa kawa miat heithaw wow jied ya kiwi ki thaw wa em cha kiwi ki ri.

Da ong u leh wa ka thaaiñ daw chim kabu ko ya iwa boon iwa da em pahooh nadooh ki siej kam ka thong Atmanirbhar Abhiyan namo ka thong wow ye u kyrchaan, u pyndap pynbiang pyn idæ hapoh ka ri kawa man leh ka thong u Prime Minister Narendra Modi uwa ong “Vocal for Local”. U Dr. Jitendra Singh da ong u leh wa ini wa dep, ka sorkar pyrdi da pynku ko da 25% ka dan manda wanrah ya u siej na baar, wei ini daw yarap ko yaka karkhana wa pynmih kam ki chuki, ki tiar pynriam yung wa kiwi kiwi kiwa chana na ki siej. Da klam u leh yei pynkylla yaka aiñ wa la 100 snem ka Indian Forest Act kawa da leh daka sorkar u Modi ha u 2017, heiwa ya ki siej wa da pynmih hapoh ri da pynlait ya ki na kani ka aiñ yow pynku yaka kamai kajih yong ki lyngba ki chken ki siej.

U Dr. Jitendra Singh da ong u leh wa da em chiboon i roi i paar wa da wanrah heiyatoh wa ki sarok, ki luti rel kamjooh da ki lieñ suiñ yow yarap wow kit ym du ya ki bru, kamjooh leh ya ki mar haka thaaiñ wa ha ka ri waroh kawi. Chooh chooh da ong u wa ki khynroo khyllood leh da man ki kiwa yoh mynsien ha kini ki por wei daw em ki ka bynta ka kongsan wow pynku yaka thaaiñ haka khayi pateiñ.

Hawa klam won hajrong ka Act East Policy ka sorkar, u Dr. Jitendra Singh da ong u wa ka thaaiñ North East da embynta ko wow pynku yaka khayi pateiñ wa ki ri ka ASEAN neidaw wa man ko kam ka luti cha ki ri ka South East Asia. Da ong u leh wa u Prime Minister u Narendra Modi da pynkylla u yaka “Look East” cha ka “Act East” yow pynku yaka yatoh lok.

Kiwi de kiwa klam toh u Chief Minister ka Assam, Tripura, Manipur, Sikkim kamjooh ki montri ki jylla ka North East. U Foreign Secretary u Harsh Vardhan Shringla da e u yei klam wa kyrpang.

Share this:
Previous

Pynkhooid ka KSU deilang waka chnong Mihmyntdu ya ki luti ki syngkieñ

Next

Da wai ya ka Entry Exit Point wa nyngkong dooh ka jylla ha Umling, Ri Bhoi