Pynkhooid ki khon ka Kur Sookpoh ya ki ar tylli ki um wa jooh sum ka Beipun Riangkit

Jowai : Ynnin ka 2 tarik ki khon ka kur Sookpoh Khad-ar Wyrnai da mih yonglang ki wow lai pynkhooid ya ar tylli ki um wa jooh sum ka Beipun Riangkit kiwa kynthup ya ka Um Liksan wa em ha Chilliangraij wa kawi ha Loompyrdi Iongpiah wa tip leh kam ka Um Iongpiah.

Ya ini i pynkhooid da sdang chwa na Umliksan wei hadien neini da lai pynkhooid won sa ya ka Um Iongpiah.

Ha ini i lai pynkhooid ki khon ka Kur Sookpoh ya kini ki ar thaw da synran leh da ka Dorbar Niam ka Raij Jowai.

Da leh ya ini toh hadien wa da yoh kyntien na ki chwar wa ong wa emkaam wow pynkhooid ya kini ki um da ki khon ki ksu ki Soo Bei hachwa wow poi ki Soo Sngi Le Yaaw yong ka Behdieñkhlam.

Kini ki soo bei kynthup ki ya ka Beipun Bon, Beipun Tein, Beipun Wet wa ka Beipun Doh.

Related posts

Mih deilang chynrang wa kynthai ha ka sngi Musiang ka Lehniam Behdieñkhlam 2026 ka Seiñ Raij Mukhla

August 25, 2026

Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

August 24, 2026