Jowai: Ha kani ka sngi Musiang 9 Khonchonglad ka Panaliar UPS SSA kam chibynta wow pynyoo ka dak i ya ksohktilang heiyatoh wow wanrah yei khooid i pliah ki thaw sah naam sah parom wa em hapoh u pood u ang ka chnong Panaliar dachim ki wow pynman i pynkhooid pynjngiar ya ki soodong sookun kani ka thaw heiwa ki khynnah skur, ki wa sikai deilang wa ki bei ki pa yong ki khynnah da wan ki wow yachimbynta.
Ya kani ka prokram pynkhooid pynjngiar ya ki soodong sookun ka Riat ka Kiang View Point da pynman hadien wada kut ka prokram yaklam napoh yung kawa tip kam ka Seinsitization Programme on Safe Practises in Cleanliness & Sanitation.
Iwa yoosuk chooh chooh toh wow yoh u sakhi wa neiliang ki khynnah puræ ka Panaliar UPS SSA hadien wa dakut ka prokram yaklam napoh yung wow pynskem chooh chooh yei rukom e wyrta ya ki manbei manpa chaphang i khooid i jngiar da kyrchaan wow lai pynkhooid ya ka Riat ka Kiang View Point.
Heijooh i por da saam ya ki Pamplet næ ki kot khian wada thoh chaphang ki laad yada yong i khooid i jngiar wei chait i khiah.
Discussion about this post